AP-Katowice-oddz-Cieszyn
dokument pergaminowy- sygn. 14-1-02
Przemysław I [Noszak], Książę cieszyński, potwierdza, że Goch z Ochab kupił od Mikołaja z Wojciechowic i jego synów Mikołaja, Piotra i Marcina
część ziemi we wsi Ochaby za 100 grzywien szerokich groszy praskich stopy menniczej polskiej. Skoczów 30 czerwiec 1392 roku.
Přemyslav, kniže tĕšinský (Przimisla herczog, czu Tesschin), potvrzuje, že Goch z Ochab koupil od Mikuláše z Woyczichsdorffu a jeho synú Mikuláše, Petire a Martina
část dilu ze vsi a statku Ochab za 100 hřiven pražských grošú, čísla polského. 1392 červenec 30. Skočov
Wir Przimisla von gotes gnaden herczog czu Tesschin und herre czu grossen Glogow bekennen und thun kunt offintlich mit desem briwe allen die en sehen ader horen lesen, das vor unser gegnwortikeit komen seyn bey gesundem leibe mit guter Vernumft unbetwungen die erbaren Nyclos von Woyczichsdorff und Nyclos, Petir und Martin seyne sone von ir und ander irer vormundischer bruder und gesswistere wegen und bekanten offintlich das sie recht und redelich vorkawft haben im namen eyns rechten kawfes alles ir gut und allen newteil den sie gehabt und besessen haben in deme gute und dorffe czu Ochab gelegen in unsern tesschnischen gebithe und wigbilde dem erbaren und fromen Gochen von Ochab unserm liben getruwen, seynen erben und rechten nochkomeligen von hundert marg pragisscher grosschen polnisscher czal der sie iczunt gancz und gar seyn gericht und beczalet mit allen nuczen, fruchten, genissen, czinsen, rechte und herschaft und mit aller zugehorungc gros und klein nichtes ussgenomen in aller der masse als sie und ire vorfaren das selbe gut haben gehabt und besessen, und als is in seynen grenczen ist gelegen und begriffen und haben das willeklich in unser hende uffgelossen und haben und mit fleisse gebethen, das wir das genediglich geruchten czu reichen und czu leyen. Des haben wir angesehen ire dinst und bethe und haben dem obgenanten Gochen und seynen erben das vorgenante gut czu Ochab gereichet und gelegen, reichen und leyen ym das mit allen nuczen, genissen, rechte und herschaft und mit aller czugehorunge gross und klein in alle der masse, als vorgeschribin steet, erblich und ewiklich czu haben, czu halden, czu besiczen, czu vorwechsseln, czu vorkauffen und an seynen und seynen erben fromen und nucz czu wenden als ym das allerbeste wirt gesehen. Auch haben die vorgenanten Nyclos von Woyczichsdorff, Nyclos, Petir und Martin seyne sone dem egenanten Gochen von Ochab sundirlich vor uns globet und vorheissen en und seyne erben czu entwerren von aller anspreche des obgeschreben gutes czu Ochab von allermenneklich und mit namen von irer vormundisscher bruder und geswestere. Wegen des czu Urkund und czu eyner bestetigunge haben wir unser Ingesegil an desen kegenwortigen briff heissen hengen, der gegebin ist czu Koczow an dem nesten Dinstag nach sente Jacobs tage des heiligen czwelfbothen noch Crist geburth Tusunt dryhundert iar und ym czweyen und newnczigsten Jare. Do bey sint gewest czu geczuge die erbaren Sasske, hauptman czu grossen Glogow, Stepske von Dytmarsdorff, Witus Sanzay von Heynachaw, Miczke Poelke, Jenke von Iyloffnicz, Sedke von Kiczicz und Gelfrid Luckow unser Schreiber, der desen briff hat gehabt in bevelunge.
Pieczęć z orłem, z głową w lewo z napisem: + S. PREMISLAI DVCIS INSIL. TESSINENSIS
